- दिवसाढवळ्या दरोडा! सैय्यद पिंप्रीत घरफोडी करणारा चोरटा पोलिसांच्या जाळ्यात!
- समृद्धी महामार्गावरून गांजाचा धंदा! करोडोंचा गांजा जप्त, टोळी जेरबंद!
- पिंपळगावात घरफोडीचा धुमाकूळ! आंतरराज्यीय चोरटा अखेर गजाआड!
- लाईफ पॉलिसीच्या नावाखाली लाखोंचा गंडा! फसवणूक करणारा आरोपी पोलिसांच्या ताब्यात!
लाल 🚨 दिवा-नाशिक.दि.१४:- ग्रामीण पोलिसांनी दाखवलेल्या अतुलनीय कामगिरीमुळे जिल्ह्यातील जनतेमध्ये सुरक्षिततेची भावना निर्माण झाली आहे. दिवसा घरफोडी करणाऱ्या सराईत गुन्हेगारांपासून ते आंतरराज्यीय टोळ्यांपर्यंत, पोलिसांनी कुशलतेने आणि अचूक रणनीतीने गुन्हेगारांना जेरबंद केले आहे. ही कामगिरी केवळ वरिष्ठ अधिकाऱ्यांच्याच नव्हे तर सर्व पोलिस कर्मचाऱ्यांच्या अथक परिश्रमांचे फलित आहे.
सैय्यद पिंप्रीतील घरफोडीचा गुन्हा उघड:
सैय्यद पिंप्रीत दिवसाढवळ्या घडलेल्या घरफोडीच्या घटनेत स्थानिक गुन्हे शाखेचे पोलीस निरीक्षक श्री. रविंद्र मगर आणि नाशिक तालुका पोलीस ठाण्याचे पोलीस निरीक्षक श्रीमती मृदुला नाईक यांच्या नेतृत्वाखालील पथकाने आरोपी योगेशकुमार तायडे याला बेड्या ठोकल्या. या पथकात पोउनि अश्विनी मोरे, पोलीस अंमलदार निलेश मराठे, योगेश पाटील, अरुण रहिरे, नवनाथ आडके, नंदु सानप, संतोष घोडेराव, विकास कराड, तसेच स्थागुशाचे पोहवा संदिप नागपुरे, सचिन गवळी, धनंजय शिलावटे, हेमंत गिलबिले, प्रदीप बहिरम, आणि नितीन गांगुर्डे यांचा समावेश होता. त्याच्याकडून चोरीचा मुद्देमाल जप्त करण्यात आला असून, त्याच्यावर खून आणि शस्त्रास्त्र कायद्याअंतर्गत देखील गुन्हे दाखल आहेत. जिल्हा पोलीस अधीक्षक श्री. बाळासाहेब पाटील आणि अपर पोलीस अधीक्षक श्री. आदित्य मिरखेलकर यांच्या मार्गदर्शनाखाली ही कामगिरी पार पडली. उपविभागीय पोलीस अधिकारी पेठ उपविभाग श्री. वासुदेव देसले यांनी देखील या प्रकरणात मोलाचे योगदान दिले.
समृद्धी महामार्गावरून गांजा तस्करी करणारी टोळी जेरबंद:
समृद्धी महामार्गावरून गांजाची तस्करी करणाऱ्या टोळीला स्थानिक गुन्हे शाखेचे पोलीस निरीक्षक श्री. रविंद्र मगर यांच्या नेतृत्वाखालील पथकाने यशस्वीरित्या पकडले. या कारवाईत सपोनि जीवन बोरसे, पोउनि सुदर्शन बोडके, सपोउनि नवनाथ सानप, पोलीस अंमलदार सचिन धारणकर, विनोद टिळे, सचिन गवळी, माधव साळे, श्रीकांत गारूंगे, सुधाकर बागुल, नवनाथ वाघमोडे, किशोर खराटे, शरद धात्रक, धनंजय शिलावटे, विश्वनाथ धारबळे, प्रितम लोखंडे, नवनाथ शिरोळे, आबा पिसाळ, योगिता काकड, आणि रविंद्र गवळी यांचा समावेश होता. १२१ किलोपेक्षा जास्त गांजा जप्त करण्यात आला असून, चार आरोपींना अटक करण्यात आली आहे. पोलीस अधीक्षक श्री. बाळासाहेब पाटील आणि अपर पोलीस अधीक्षक श्री. आदित्य मिरखेलकर यांच्या मार्गदर्शनाखाली ही कामगिरी पार पडली.
पिंपळगाव बसवंतमधील घरफोडीचा पर्दाफाश:
पिंपळगाव बसवंत येथे घडलेल्या घरफोडी प्रकरणात स्थानिक गुन्हे शाखेचे पोलीस निरीक्षक श्री. रविंद्र मगर आणि पिंपळगाव बसवंत पोलीस ठाण्याचे पोनि श्री. दुर्गेश तिवारी यांच्या नेतृत्वाखालील पथकाने आंतरराज्यीय गुन्हेगार ईश्वरसिंग चावला याला अटक केली. या पथकात स्थागुशाचे सपोनि किशोर जोशी, सपोनि बन्सी कांबळे, पोलीस अंमलदार शैलश गांगुर्डे, कुणाल वैष्णव, अमोल गांगुर्डे, प्राजक्ता सोनवणे, आणि हरिष माळी यांचा समावेश होता. जिल्हा पोलीस अधीक्षक श्री. बाळासाहेब पाटील, अपर पोलीस अधीक्षक श्री. आदित्य मिरखेलकर, आणि उपविभागीय पोलीस अधिकारी नाशिक ग्रामीण विभाग श्री. हरिष खेडकर यांच्या मार्गदर्शनाखाली ही कामगिरी पार पडली.
मॅक्स लाईफ पॉलिसी फ्रॉड करणाऱ्यास अटक:
मॅक्स लाईफ पॉलिसी फ्रॉड करून लाखो रुपयांची फसवणूक करणाऱ्या आरोपीला नाशिक ग्रामीण सायबर पोलीस स्टेशनचे पोलीस निरीक्षक नागेश मोहिते यांच्या नेतृत्वाखालील पथकाने उत्तर प्रदेशमधून अटक केली. या पथकात पोउपनि दिगंबर थोरात, पोहवा प्रमोद जाधव, पोना परिक्षीत निकम, पोशि खालकर, पोहवा हेमंत गिलिबिले, आणि पोना प्रदीप बहिरम यांचा समावेश होता. पोलीस अधीक्षक श्री. बाळासाहेब पाटील आणि अपर पोलीस अधीक्षक श्री. आदित्य मिरखेलकर यांच्या मार्गदर्शनाखाली ही कामगिरी पार पडली.
नाशिक ग्रामीण पोलिसांच्या या सर्व कामगिरीचे सर्वत्र कौतुक होत असून, त्यांच्यामुळे जिल्ह्यातील गुन्हेगारीवर नियंत्रण मिळविण्यास मदत होत आहे. सर्व अधिकारी आणि कर्मचाऱ्यांच्या अथक परिश्रमांमुळेच हे शक्य झाले आहे.
