सकाळपासून शोध सुरू, मोबाईलही बंद; घातपाताची शंका
लाल 🚨 दिवा-फैजपूर, दि. २२ ऑगस्ट २०२५: येथील रहिवासी असलेले आणि शांत स्वभावासाठी ओळखले जाणारे श्री. अमित शशिकांत सरोदे (वय ३७) हे दिनांक ८ ऑगस्ट रोजी सकाळपासून अचानक बेपत्ता झाल्याने संपूर्ण शहरात खळबळ उडाली आहे. नेहमीप्रमाणे घरातून बाहेर पडलेले अमित सरोदे अद्याप घरी न परतल्याने त्यांच्या कुटुंबीयांवर चिंतेचे डोंगर कोसळले आहे. त्यांचा मोबाईल फोन देखील बंद येत असल्याने घातपाताची शंका व्यक्त केली जात आहे.
मिळालेल्या माहितीनुसार, ८ ऑगस्ट रोजी सकाळी ठीक ८:३० वाजता श्री. अमित सरोदे आपल्या घरातून निघाले. मात्र, सायंकाळ उलटून गेली तरी ते घरी परतले नाहीत. सुरुवातीला ते मित्रांकडे किंवा नातेवाईकांकडे गेले असतील असा अंदाज कुटुंबीयांनी लावला, परंतु सर्वत्र चौकशी करूनही त्यांचा कोणताही ठावठिकाणा लागला नाही. त्यांचे मित्र श्री. हर्षल जावळे आणि इतर नातेवाईकांनी तात्काळ पोलिसांना या घटनेची माहिती दिली असून, त्यांनी स्वतःच्या पातळीवरही शोधमोहीम सुरू केली आहे.
श्री. अमित सरोदे यांचा कोणाशीही वाद नव्हता आणि ते एक मनमिळाऊ व्यक्तिमत्व होते, असे त्यांच्या जवळच्या लोकांनी सांगितले. त्यामुळे त्यांचे असे अचानक गायब होणे हे एक मोठे गूढ बनले आहे. पोलिस या प्रकरणाचा सर्व बाजूंनी तपास करत आहेत
=== नागरिकांना कळकळीचे आवाहन ===
श्री. अमित शशिकांत सरोदे (वय ३७, रा. फैजपूर, ता. यावल) हे कुठेही आढळून आल्यास किंवा त्यांच्याविषयी कोणतीही माहिती मिळाल्यास, कृपया क्षणाचाही विलंब न करता खालील क्रमांकांवर त्वरित संपर्क साधावा. तुमची एक छोटीशी माहितीही त्यांना त्यांच्या कुटुंबापर्यंत पोहोचवण्यासाठी मोलाची ठरू शकते.
तात्काळ संपर्क साधा:
श्री. हर्षल जावळे: 8275054001
इतर संपर्क क्रमांक:
9823708644
7385723275
9673300674
