कराची चोरी आणि वरून ‘भाईगिरी’! नाशिकरोडमधील व्यापाऱ्याच्या घरी धाड, अवैध पिस्तुलाने खळबळ.
लाल 🚨 दिवा नाशिकरोड,(विशेष प्रतिनिधी):उपनगर पोलीस स्टेशनच्या हद्दीतील वर्दळीच्या सुराणा चौफुली परिसरात आज एका भीषण कारवाईने संपूर्ण नाशिकरोड तंत्रज्ञानाचा वापर करून आर्थिक गुन्हेगारी किती खोलवर पोहोचली आहे, याचा एक धक्कादायक प्रकार आज नाशिकमध्ये उघडकीस आला आहे. बनावट सॉफ्टवेअर तयार करून शेकडो व्यापाऱ्यांना जीएसटी फसवणुकीसाठी मदत करणाऱ्या एका उच्चशिक्षित सॉफ्टवेअर इंजिनियरच्या मुसक्या आवळण्यात राज्य वस्तू आणि सेवा कर (GST) विभागाला यश आले आहे. मात्र, या कारवाईदरम्यान या इंजिनियरकडे एक विनापरवाना पिस्तूलही आढळून आल्याने, हे प्रकरण केवळ आर्थिक फसवणुकीपुरते मर्यादित नसून यामागे संघटित गुन्हेगारीचे धागेदोरे असल्याची दाट शक्यता निर्माण झाली आहे.
काय आहे नेमका प्रकार?
नाशिकमधील एका पॉश परिसरात राहणारा हा सॉफ्ट इंजिनियर आपल्या ज्ञानाचा वापर अत्यंत चुकीच्या कामासाठी करत असल्याची गोपनीय माहिती जीएसटी विभागाला मिळाली होती. हा इंजिनियर एक विशेष प्रकारचे बनावट सॉफ्टवेअर विकसित करून ते व्यापारी आणि व्यावसायिकांना विकत होता.
हिशोबात गडबड:हे सॉफ्टवेअर मूळ हिशोब आणि शासनाला दाखवायचा हिशोब असे दोन वेगवेगळे हिशोब अत्यंत शिताफीने सांभाळत होते, ज्यामुळे सहजासहजी फसवणूक लक्षात येत नसे.
छापा आणि धक्कादायक खुलासा
या माहितीच्या आधारे जीएसटीच्या गुप्तचर विभागाने आज सकाळीच या इंजिनियरच्या घरी आणि कार्यालयावर एकाच वेळी छापा टाकला. संगणक, हार्डडिस्क आणि इतर इलेक्ट्रॉनिक उपकरणांची तपासणी सुरू असतानाच अधिकाऱ्यांना एका कपाटात लपवून ठेवलेले एक विनापरवाना पिस्तूल सापडले. लॅपटॉप आणि कोडच्या दुनियेत वावरणाऱ्या इंजिनियरकडे पिस्तूल सापडल्याने तपास पथकातील अधिकारीही चक्रावले.
पिस्तूल कशासाठी? अनेक प्रश्नचिन्ह!
एका सॉफ्टवेअर इंजिनियरकडे पिस्तुलाचे काय काम? या प्रश्नाने आता तपासाला एक नवी दिशा दिली आहे. हा इंजिनियर केवळ सॉफ्टवेअर बनवून देत होता की फसवणुकीच्या वसुलीसाठी किंवा धमक्या देण्यासाठी या पिस्तुलाचा वापर करत होता?
या रॅकेटमध्ये मोठे व्यापारी आणि गुन्हेगारी पार्श्वभूमीच्या लोकांचा समावेश आहे का?
सॉफ्टवेअर विकत घेण्यास नकार देणाऱ्यांना किंवा पैसे देण्यास टाळाटाळ करणाऱ्यांना धमकावण्यासाठी हे पिस्तूल वापरले जात होते का?
दुहेरी कारवाई अटळ
जीएसटी विभागाने तात्काळ स्थानिक पोलिसांना पाचारण केले असून, घटनास्थळी पोलीस दाखल झाले आहेत. आता या इंजिनियरवर जीएसटी कायद्यांतर्गत कर फसवणुकीचा गुन्हा तर दाखल होणारच आहे, पण त्याचबरोबर भारतीय हत्यार कायद्यान्वये (Arms Act) अवैध शस्त्र बाळगल्याप्रकरणी स्वतंत्र फौजदारी गुन्हाही दाखल केला जाणार आहे.
या कारवाईमुळे नाशिकच्या व्यापारी वर्गात प्रचंड खळबळ उडाली असून, या इंजिनियरकडून सॉफ्टवेअर विकत घेणारे अनेक मोठे व्यावसायिक आता जीएसटी आणि पोलिसांच्या रडारवर आले आहेत. या तपासात आता कोणते मोठे मासे गळाला लागतात, याकडे संपूर्ण राज्याचे लक्ष लागले आहे.
