💥 ‘मिशन कुंभमेळा २०२७’ चे रणशिंग फुंकले! राज्याच्या पोलीस महासंचालकांच्या नेतृत्वात नाशिकमध्ये सुरक्षेचा ‘महा-अभेद्य किल्ला’ सज्ज! 💥

लाल 🚨 दिवा-नाशिक ,दि.९:-(विशेष प्रतिनिधी):महाराष्ट्र राज्याला खाकी वर्दीचा अभिमान वाटेल असा एक सुवर्णक्षण नाशिकमध्ये नुकताच पाहायला मिळाला. एकीकडे महाराष्ट्र पोलीस अकादमीत (MPA) १२७ व्या सत्रातील तडफदार पोलीस उपनिरीक्षकांच्या दीक्षांत संचलनाचा उत्साह शिगेला पोहोचला होता, तर दुसरीकडे याच उत्साहाच्या साक्षीने आगामी ‘सिंहस्थ कुंभमेळा २०२७’ साठी महाराष्ट्राच्या सुरक्षा यंत्रणेचा सर्वात मोठा मास्टरप्लॅन आकार घेत होता! जनतेच्या सुरक्षेसाठी अहोरात्र झटणाऱ्या आपल्या पोलीस दलाने आतापासूनच सुरक्षेचे ‘अॅडव्हान्स प्लॅनिंग’ सुरू करून एक अनोखा आणि सकारात्मक आदर्श प्रस्थापित केला आहे.

राज्याचे पोलीस महासंचालक मा. श्री. सदानंद दाते सर हे नाशिक दौऱ्यावर आले असताना, केवळ नव्या अधिकाऱ्यांच्या पाठीवर कौतुकाची थाप देऊन ते थांबले नाहीत, तर त्यांनी थेट नाशिक पोलीस आयुक्त कार्यालय गाठून ‘कुंभमेळा २०२७’ च्या तयारीचा ऐतिहासिक आढावा घेतला. लाखोंच्या संख्येने येणाऱ्या भाविकांच्या सुरक्षेला सर्वोच्च प्राधान्य देत, कोणत्याही आव्हानाला तोंड देण्यासाठी महाराष्ट्र पोलीस ‘१०० टक्के’ सज्ज असल्याचा सार्थ विश्वास या बैठकीतून देण्यात आला.

🌟 खाकी वर्दीतील ‘सुरक्षेचे शिल्पकार’ एकाच मंचावर!

या अत्यंत महत्त्वाच्या आणि उच्चस्तरीय आढावा बैठकीला नाशिकच्या सुरक्षेचे सर्व प्रमुख आधारस्तंभ उपस्थित होते. यात नाशिक शहराचे पोलीस आयुक्त मा. श्री. संदीप कर्णिक सर, नाशिक परिक्षेत्राचे विशेष पोलीस महानिरीक्षक मा. श्री. संजयसिंह येनपुरे सर आणि नाशिक ग्रामीणचे पोलीस अधीक्षक मा. श्री. धोंडोपंत स्वामी यांच्यासह आयुक्तालयातील सर्व पोलीस उपायुक्त आणि वरिष्ठ अधिकारी हजर होते.

वरिष्ठ अधिकाऱ्यांच्या या ‘ब्रेनस्टॉर्मिंग’ सत्रात कुंभमेळ्यातील गर्दीचे नियोजन, वाहतूक व्यवस्था आणि अत्याधुनिक तंत्रज्ञानाचा वापर यावर सखोल चर्चा झाली. इतक्या मोठ्या जागतिक दर्जाच्या सोहळ्यासाठी तब्बल तीन वर्षे आधीच तयारी सुरू करणे, हे पोलिसांच्या कर्तव्याप्रती असलेल्या निष्ठेचे आणि त्यांच्या अचूक नियोजनाचे जिवंत उदाहरण आहे.

नेहमीच संकटाच्या वेळी धावून जाणारा आपला पोलीस जवान, संकटे येऊच नयेत यासाठी किती भक्कम भिंत बनून उभा असतो, हे या आढावा बैठकीने दाखवून दिले आहे. “तुम्ही श्रद्धेने कुंभमेळ्याला या, तुमची सुरक्षा ही आमची जबाबदारी!” हाच जणू संदेश या सकारात्मक आणि आश्वासक बैठकीतून संपूर्ण महाराष्ट्राला मिळाला आहे. खाकी वर्दीचा हाच तो खरा दरारा, जो गुन्हेगारांमध्ये धडकी भरवतो आणि सर्वसामान्यांना सुरक्षेची उबदार हमी देतो!