🚨 महा-स्फोटक ‘एक्स्क्लुझिव्ह’: नाशिक GST मधील १ कोटीच्या लाचखोरीचा ‘मुख्य सूत्रधार’ अखेर उघड! तो ‘५० टक्क्यांचा मोठा मासा’ जॉईंट कमिशनर जितेंद्र पाटीलच! 🚨

▪️फिर्यादी अरविंद पटेल यांचा खळबळजनक व्हिडिओ समोर; ‘लाल दिवा’ वृत्तवाहिनीचा संशय ठरला १०० टक्के खरा!

▪️ ‘लाल दिवा’ने संपर्क साधला, पण साहेबांनी फोन उचलला नाही! गंभीर आरोपांवर जॉईंट कमिशनर जितेंद्र पाटील यांचे रहस्यमय मौन.

▪️ जीएसटी ऑफिस बनलाय ‘भ्रष्टाचाराचा अड्डा’; सीसीटीव्ही बंद करून व्यापाऱ्यांच्या महिला-मुलांना वेठीस धरण्याचा संतापजनक प्रकार!

▪️ कार्यालयीन प्रमुखाला तत्काळ सहआरोपी करा; माननीय न्यायालयाला जनतेची पुन्हा एकदा भावनिक साद!

विशेष प्रतिनिधी / ‘लाल दिवा’ एक्सक्लुझिव्ह / नाशिक,दि.११:-दोन दिवसांपूर्वी नाशिक वस्तू व सेवा कर (GST) विभागातील दोन बड्या अधिकाऱ्यांना १ कोटी रुपयांची लाच घेताना मुंबई एसीबीने रंगेहाथ पकडले आणि संपूर्ण राज्यात एकच खळबळ उडाली. या महावसुलीत ‘५० टक्क्यांचा वाटेकरी असलेला मोठा मासा कोण?’ असा रोखठोक सवाल उपस्थित करत ‘लाल दिवा‘ वृत्तवाहिनीने सर्वात आधी या प्रकरणातील अदृश्य बॉसकडे लक्ष वेधले होते. अखेर ‘लाल दिवा’चा तो संशय तंतोतंत खरा ठरला आहे! या संपूर्ण प्रकरणातील मुख्य फिर्यादी व्यावसायिक अरविंद पटेल यांचा एक अत्यंत स्फोटक व्हिडिओ समोर आला असून, त्यांनी थेट नाशिक जीएसटीचे जॉईंट कमिशनर (सहआयुक्त) जितेंद्र कुमार पाटील यांचेच नाव ‘मुख्य सूत्रधार’ म्हणून घेतल्याने प्रशासकीय वर्तुळात ९ रिश्टर स्केलचा महाभूकंप आला आहे!

फिर्यादी अरविंद पटेल यांचा सनसनाटी खुलासा

नाशिकमध्ये कन्स्ट्रक्शनचा व्यवसाय करणारे मुख्य फिर्यादी अरविंद पटेल यांनी या व्हिडिओद्वारे भ्रष्टाचाराची अशी किळसवाणी आणि भयानक पद्धत चव्हाट्यावर आणली आहे, जी ऐकून सामान्य माणसाच्याही पायाखालची वाळू सरकेल.

पटेल यांनी आपल्या माहितीत अत्यंत गंभीर आरोप करताना म्हटले आहे की, “१ कोटी २५ लाखांच्या लाचखोरी प्रकरणात राज्य जीएसटी अधिकाऱ्यांवर जी कारवाई झाली आहे, त्यात मी मुख्य फिर्यादी आहे. हे सांगताना मला अत्यंत दुःख होत आहे की, जीएसटीचे जॉईंट कमिशनर जितेंद्र कुमार पाटील यांनी जीएसटी ऑफिसला भ्रष्टाचाराचा अड्डा बनवून ठेवले आहे.”

सीसीटीव्ही बंद करून महिला-मुलांचा छळ!

या ‘पांढरपेश्या दरोडेखोरांच्या’ कार्यपद्धतीचा पर्दाफाश करताना फिर्यादीने अत्यंत धक्कादायक माहिती दिली आहे. इन्स्पेक्शनच्या (तपासणीच्या) नावाखाली व्यापाऱ्यांच्या थेट घरात टीम पाठवली जाते. प्रत्येक व्यापाऱ्याकडे दोन ते तीन कोटी रुपयांच्या लाचेची मागणी केली जाते. सर्वांत भयंकर बाब म्हणजे, कारवाईदरम्यान घरातील किंवा ऑफिसमधील सीसी केले जात असल्याचा संतापजनक आरोप या व्हिडिओत करण्यात आला आहे.

‘लाल दिवा’चा कॉल,णाऱ्या आरोपांबाबत सत्यता जाणून घेण्यासाठी ‘लाल दिवा’ वृत्तवाहिनीच्या प्रतिनिधींनी थेट जॉईंट कमिशनर जितेंद्र कुमार पाटील यांच्याशी संपर्क साधण्याचा वारंवार प्रयत्न केला. मात्र, त्यांनी यावर कुठलाही प्रतिसाद दिला नाही आणि फोनही उचलला नाही. एकीकडे एवढे मोठे आरोप होत असताना, साहेबांनी बाळगलेले हे रहस्यमय मौन अनेक प्रश्नांना जन्म देत असून, त्यांच्यावरील संशय आता १०० टक्के गडद झाला आहे!

५० लाखांचा वाटेकरी ‘मोठा मासा’ स्पष्ट

एसीबीने उपायुक्त सोमनाथ पागे आणि सहाय्यक आयुक्त दोंदे यांना पकडले होते. पण १ कोटींमधले ५० लाख रुपये कुणाला जाणार होते? यामागे कुणाचा तरी वरदहस्त आहे, हे ‘लाल दिवा’ने आधीच ठणकावून सांगितले होते. आता खुद्द फिर्यादीनेच जॉईंट कमिशनर जितेंद्र पाटील आणि योगेंद्र पाटील यांची नावे घेतल्याने, तो ५० टक्क्यांचा वाटेकरी मोठा मासा ‘जितेंद्र कुमार पाटील‘ हेच असल्याचे जवळपास स्पष्ट झाले आहे.

कार्यालय प्रमुखच जबाबदार! न्यायालयाला जनतेची भावनिक साद

शासकीय नियमांनुसार, कुठल्याही सरकारी कार्यालयात लाचखोरीचे किंवा भ्रष्टाचाराचे एवढे मोठे रॅकेट चालत असेल, तर त्याला त्या कार्यालयाचा प्रमुख (Head of the Office) सर्वस्वी जबाबदार असतो. आता तर फिर्यादीने व्हिडिओद्वारे पुराव्यासह मुख्य सूत्रधाराचे नाव घेतले आहे. त्यामुळे, भ्रष्टाचाराच्या या किळसवाण्या प्रकाराला कंटाळलेल्या सामान्य जनतेची न्यायव्यवस्थेवर प्रगाढ श्रद्धा असून, माननीय न्यायालयाला ही एक अत्यंत भावनिक साद आहे की, या महावसुली प्रकरणात केवळ त्या दोन अधिकाऱ्यांवर न थांबता, कार्यालयीन प्रमुख जितेंद्र कुमार पाटील यांना तत्काळ कायदेशीररीत्या सहआरोपी (Co-accused) करून या गुन्ह्यात सामील करावे.जोपर्यंत मोठ्या माशांवर कारवाई होत नाही, तोपर्यंत ही भ्रष्ट साखळी तुटणार नाही!

एमपीएससी पेपरफुटीतला आरोपी यांच्याच आशीर्वादाने होता का?

याच कार्यालयात एमपीएससी पेपरफुटीत तुरुंगाची हवा खाऊन आलेला आरोपी पुन्हा मलईदार पदावर बसला होता. हे सर्व कोणाच्या आशीर्वादाने सुरू होते? जॉईंट कमिशनरच्या आशीर्वादाशिवाय कार्यालयात एवढा मोठा भ्रष्टाचाराचा बाजार मांडला जाणे शक्यच नाही, हे आता लपून राहिलेले नाही.

आता एसीबीचे अधिकारी फिर्यादीच्या या व्हिडिओची आणि ‘लाल दिवा’च्या वृत्ताची तातडीने दखल घेऊन जॉईंट कमिशनर जितेंद्र पाटील आणि योगेंद्र पाटील यांच्या मुसक्या आवळणार का? माननीय न्यायालय या कार्यालयीन प्रमुखाला सहआरोपी करणार का? की पुन्हा एकदा या ‘मोठ्या माशाला’ वाचवण्यासाठी मंत्रालयातून सूत्रे हलवली जाणार? याकडे संपूर्ण महाराष्ट्राचे लक्ष लागू नये…